
#Ranabaali (Tamil/Telugu) – ஒரு கொடூரமான வரலாற்றை கண்முன்னே கொண்டு வந்திருக்கிறார்கள்! Rating : 2.25/5 #Netflix #Taxiwala, #ShyamSinghaRoy படங்களை இயக்கிய ராகுல் சங்கிரித்யன், 1876–78 காலகட்டத்தில் நடந்த மெட்ராஸ் பஞ்சத்தை மையமாக வைத்து இந்தப் படத்தைக் கொடுத்திருக்கிறார். அந்தக் காலத்தில் பிரிட்டிஷ் ஆட்சியின் கீழ் இந்திய மக்கள் அனுபவித்த கொடுமைகளையும், ஆங்கிலேயர்களின் அடக்குமுறைகளையும் மிகவும் தத்ரூபமாகக் காட்டியிருக்கிறார். செழிப்பாக இருந்த ஊர்களில்கூட பஞ்சத்தை ஏற்படுத்தி, மக்களை அடிமைப்படுத்திய பிரிட்டிஷ் ஆட்சியின் திட்டங்களைப் படத்தில் காட்டிய விதம் அருமை. பார்க்கும்போதே மனதைப் பாதிக்கும் பல காட்சிகள் படத்தில் இருக்கின்றன. குறிப்பாக, ஒரு கைப்பிடி சோற்றை எடுத்த சிறுவர்களுக்குக் கொடுக்கப்படும் தண்டனை மனதை உலுக்குகிறது. அன்றைய மெட்ராஸ் பஞ்சத்தின் உண்மையான புகைப்படங்களை ஆங்காங்கே பயன்படுத்தியிருப்பது படத்திற்கு இன்னும் யதார்த்தமான உணர்வைக் கொடுக்கிறது. கதை நன்றாக இருந்தாலும், சில காட்சிகள் மிகவும் சிறப்பாக அமைந்திருந்தாலும், படத்தில் சில குறைகளும் இருக்கின்றன. குறிப்பாக, அளவுக்கு அதிகமான வன்முறைக் காட்சிகள் ஒரு கட்டத்தில் சலிப்பை ஏற்படுத்துகின்றன. விஜய் தேவரகொண்டாவின் நடிப்பும் சில இடங்களில் கொஞ்சம் ஓவராகத் தெரிகிறது. கிட்டத்தட்ட 3 மணி நேரம் 5 நிமிடங்கள் ஓடும் படத்தை இன்னும் கொஞ்சம் எடிட் செய்திருக்கலாம். சில காட்சிகளைத் தவிர்த்திருந்தால் படம் இன்னும் விறுவிறுப்பாக இருந்திருக்கும். விஜய் தேவரகொண்டாவின் அறிமுகக் காட்சியிலேயே ஒருவரின் தலையை வெட்டி கையில் எடுத்துக்கொண்டு நடந்து வருகிறார். அதற்குத் தனியாக ஒரு அறிமுகப் பாடலும் வேறு! தலை வெட்டுவது, கை, கால்களைத் துண்டிப்பது என படம் முழுவதும் வன்முறைக் காட்சிகள் அதிகம். இதற்கிடையில் முத்தக் காட்சிகள், வயிற்றைக் கிழித்து குழந்தையை வெளியே எடுக்கும் காட்சி என அதிர்ச்சியளிக்கும் காட்சிகளுக்கும் பஞ்சமில்லை. அதுமட்டுமில்லாமல், ஹீரோ படம் முழுவதும் பேசும் சில பஞ்ச் வசனங்களும் அளவுக்கு அதிகமாக இருக்கின்றன. இவ்வளவு விஷயங்கள் தேவையா என்ற எண்ணம் சில இடங்களில் வருகிறது. வில்லன் கதாபாத்திரத்தைப் பொறுத்தவரை, #TheMummy படத்திலிருந்து வில்லனையே அழைத்து வந்து இப்படத்தில் பயன்படுத்தியிருக்கிறார்கள். ஆனால், அந்தக் கதாபாத்திரம் பெரிய அளவில் வலுவாக இல்லை. படத்தில் இன்னும் அழுத்தமான வில்லன் கதாபாத்திரமாக உருவாக்கியிருக்கலாம். ஒளிப்பதிவு மற்றும் கலை இயக்கம் இரண்டுமே செம. அந்தக் காலகட்டத்தைக் கண்முன்னே கொண்டு வந்திருக்கிறார்கள். குறிப்பாக, ஒவ்வொரு காட்சியிலும் கலை இயக்கத்தின் உழைப்பு நன்றாகத் தெரிகிறது. மொத்தத்தில்: ஒரு நல்ல வரலாற்றுக் கதையை எடுத்துக்கொண்டு, அதைச் சிறப்பாகக் காட்சிப்படுத்தியிருக்கிறார்கள். ஆனால், தேவைக்கு அதிகமான வன்முறை, நீளமான திரைக்கதை, சில இடங்களில் ஓவர் ஆக்டிங் என இன்னும் கொஞ்சம் கவனம் செலுத்தியிருந்தால் #Ranabaali இன்னும் சிறப்பாக வந்திருக்கும். #Ranabaali #VijayDeverakonda #RahulSankrityan #MovieReview #TeluguCinema x.com/Netflix_INSouth/status…










