←
سامح عسكر60,196 posts
سامح عسكر avatar

سامح عسكر

@sameh_asker

كاتب ليبرالي، سفير للسلام وعضو منظمة التنوير بالأمم المتحدة، روائي وباحث، مُحاضِر ومؤلف 18 كتابا ((ادعم الصفحة بالاشتراك ))

◷ Joined May 2015▧ 6,209 Photos and videos
سامح عسكر avatar
سامح عسكر@sameh_asker·Nov 17

تنبيه المدح الإسرائيلي والأمريكي المفاجئ لمصر بخصوص حظر جماعة الإخوان يهدف للتوقيع بين مصر وتركيا وإشعال الصراع بينهم في بعض الملفات مثل ليبيا وسوريا. إسرائيل والولايات المتحدة كانوا ولا يزالون من أكبر الداعمين لجماعة الإخوان المسلمين حول العالم، دعموهم في سوريا واليمن وليبيا وسيناء والشيشان وأفغانستان، وشكلوا دروع حماية مخابراتية لتنظيمهم الدولي في أوروبا. والسبب كان معروفا، أن الاخوان كانوا هم السلاح الرئيسي في مشروع الفوضى الخلاقة الذي رعته إدارات أمريكا المتعاقبة لإشاعة الفوضى الطائفية والتكفير والتطرف الديني في الشرق الأوسط عدا السنة الأخيرة من فترة ترامب التي حظر فيها إخوان مصر والأردن ، لكنه لم يحظر إخوان اليمن وسوريا والعراق وليبيا لأنهم حلفاؤه. ولم يحظر إخوان تركيا وأوروبا أيضا لأنهم أصدقاؤه . ترامب كعادته يكذب عندما يقول أن مصر حظرت الإخوان بناء على طلبه..! الفاجر حكم أمريكا أول مرة سنة 2017 ومصر حظرت الإخوان في 2013، وحاربتها لسنوات في سيناء والمحافظات، وقتها تعرضت مصر لعقوبات ومقاطعة من نظام أوباما ،ورفضت أمريكا من يومها تطوير وتسليح القوات الجوية المصرية بسبب موقف الجيش المصري من الإخوان الذي لم يعجب الإدارة الأمريكية. أما إسرائيل فيبدو أنها داخلة في مواجهة إقليمية مع تركيا، والملف السوري يعجل بذلك وهي تحتاج لتبريد أو لتحيبد الموقف المصري بعيدا عن الشام، او لجذب الموقف المصري لصالحها بدعوه الخطر المشترك، ولذلك تشعل ملف الإخوان لهذا السبب... أما مصر فتقول لأمريكا سواء حظرتي الإخوان أم لا، فمصر لن تتراجع عن موقفها من الجماعة الإرهابية ، وحظر جميع مؤسساتها في مصر والخارج، لو عاوزين تتعاونوا معانا يا أمريكيين أهلا وسهلا، لو مش عاوزين فاحنا ماشيين في طريقنا عادي.. Image Made With Ai

Post attachment
سامح عسكر avatar
⟳ سامح عسكر retweeted
سامح عسكر@sameh_asker·8h

معلومة في أبريل 1925 الشيخ "علي عبد الرازق " القاضي الشرعي في محكمة المنصورة، أصدر كتاب "الإسلام وأصول الحكم" بينما في 12 أغسطس من نفس السنة هيئة كبار العلماء بإجماع 24 عالم برئاسة شيخ الأزهر، أخرجته من "زمرة العلماء" واتعزل بعدها من القضاء. برغم إن الشيخ علي مالغاش النص، هو أصولي أصلا كل جريمته إنه وقف على (الحد) الفاصل بين النص والعقل وقال إن الخلافة مش من أصول العقيدة. - دا لأن النص التاريخي بيقول الخلافة عقيدة - لكن النص الديني الأصلي والعقل بيقولوا إنها تجربة حكم تاريخية مش ضروري نتمسك بيها، وفي عصرنا الحديث لها بدائل جمهورية وملكية بنظم ديموقراطية مدنية تحقق العدالة... خد بالك إن المتطرف دينيا عنده عالم نقي ونظيف هو (النص) بينما العاقل والمثقف العالم النقي بتاعه من إنتاج (العقل والتجربة) المتطرف دينيا شايف العالم النقي بتاع المثقف ( نجاسة ووساخة) لأنه إما ترك عالم النص بتاعه، أو عاش كليا في عالم العقل القبيح، اللي المتطرف شايفه مصدر ضلال وطغيان البشرية..!! برغم إن رسول الله نفسه مكانش عنده نص وهو في غار حراء، وقعد سنوات ( يتفكر ويتدبر في الكون ويتعبد بعقله) لحد ما ربنا هداه للنبوة، وحادثة غار حراء بتقول إن أصل الإسلام هو العقل والتفكير..مش النص، دا لأن النص نفسه بيكون وسيلة للهدي، وطريق للصلة بالله، لكن مش هو الغاية، ودا معناه إن المسلم مطالب بالتفكير في النص مش تقليده على ظاهره أو تقديس معانيه الأولية المتبادرة في الذهن.. المهم: الشيخ علي عبدالرازق لم يترك النص، هو اتحرك من القرآن الكريم نفسه، وتحدى إثبات إن الخلافة عقيده من خلاله، وكل اللي ردوا عليه مالجأوش للقرآن الكريم، بل على كتب التاريخ اللي كان فيها الملوك العباسيين والأمويين والعثمانيين مقدسون، يعني عمليا هما حاكموه على تجارب بشرية، وكفروه بناء على آراء بشر..!! دا لأنهم اتحركوا من النص البشري (اللي هو السنة والفتاوى) وكلها اجتهادات بشر فيها صواب وخطأ، لكنهم ماعترفوش ببشريتها واعتقدوا بعصمتها ومساواتها مع القرآن، ولذلك طبيعي يحاكموا شيخ زيهم فقط لمجرد إنه شغل دماغه، وكان واجب يبحثوا على المصلحة في كلامه..ولو من باب المصالح المرسلة، لكنهم معملوش، لأن الشيخ علي كل اللي عمله إنه ( دق على وتر التكرار بتاعهم) اللي حدثتكم عنه من كان يوم..فاتعصبوا وانهاروا نفسيا، وبدأوا بالعنف والأذى.. نيجي هنا لسؤال الختام: مين اللي أقنع الناس إن التماس نفسه بين العقل والنص خيانة؟ دا كان المفروض يكرّموه لأنه بذلك أجهض حجة كبيرة من دعاوى الملحدين في زمنه إن الإسلام قابل لكل زمان ومكان، وإن التاريخ الإسلامي مش هو الإسلام، وإن العقيدة فوق تصرفات وأخطاء الناس.. الخلاصة: إن فيه مشكلة كبيرة هيظل يعاني منها الفكر الإسلامي والمجتمعات الإسلامية، مش إن الدين والعقل اتلامسوا..إطلاقا، المصيبة في اللي بيحرّم الحد والتماس بين النص والعقل، هو كدا بيخلي إن المسلم الصالح لازم يكون مجنون أو أهبل أو متخلف بأي شكل، في المقابل أي حد عاقل أو مثقف بالجهة الأخرى هيكون هو الصح..يعني بيدمروا الإسلام ويهدموا أركانه من غير ما يشعروا،...وسلامتكم #نقد_الموروث #سامح_عسكر

سامح عسكر avatar
⟳ سامح عسكر retweeted
سامح عسكر@sameh_asker·12h

حدث بالفعل ضيف سعودي على قناة فرنسا 24 كان يناظر الكاتبة اليمنية منى صفوان لما اتزنق ومش عارف يرد راح يهاجم المرأة والنساء عامة - لا تجعلوا امرأة ترد علي - لن أرد على هذه المرأة -النساء يصمتون ولا يتكلمون -لو لم تسكت هذه المرأة سأغادر البرنامج لم يناديها باسمها وهو يعرفها نعتها بجنسها تصرف عنصري لا يصدر من كاتب، وأستغرب من إعداد القناة استضافة هؤلاء العنصريين، الخلاف السياسي طبيعي، لكن غير الطبيعي هو السلوك العنصري والطائفي حتى لو كان في لحظة غضب، هذا مفروض كاتب يعني أعقل واحد فيهم..! الصورة معدلة بواسطتي

Post attachment
سامح عسكر avatar
⟳ سامح عسكر retweeted
سامح عسكر@sameh_asker·17h

ملاحظة مهمة ستيف بانون سمّى دول الخليج بالاسم وطالب بمراجعة العلاقة معاها. أما مع إسرائيل فهاجم اللوبي الصهيوني إيباك فقط، ولم يطالب بمراجعة العلاقة مع الدولة الإسرائيلية نفسها. ودي بالظبط النقطة اللي أزعجت حمد بن جاسم في البوست بتاعه.. اللي نقلت منه، وبسببها كتب المنشور . ملاحظة أخرى هو انتقد ضمنيا وقال لازم نراجع علاقتنا بدول الخليج عن طريق البنك المركزي والمخابرات المركزية والقيادة المركزية.. وهنا معلومة البنك المركزي الأمريكي اتأسس سنة 1913، والمخابرات المركزية اتعملت بقانون الأمن القومي سنة 1947. أما القيادة المركزية فاتأسست يوم 1 يناير 1983 امتدادا لقوة الانتشار السريع اللي كارتر عملها بعد مبدأه سنة 1980، يعني القيادة المركزية الأمريكية هي (بنت الخليج أصلا) ومقرها المتقدم في قاعدة العديد في قطر، أكبر قاعدة أمريكية في المنطقة...وبالتالي نقد ستيف بانون لها مش منطقي، لازم القيادة نفسها تتلغي أو تنتقل في منطقة جغرافية جديدة من العالم . ودا مش هيحصل غير بقانون جديد وظروف مختلفة حاليا مش موجودة

سامح عسكر avatar
⟳ سامح عسكر retweeted
سامح عسكر@sameh_asker·17h

مستشار ترامب السابق يعلنها صراحة (لسنا في حاجة الى دول الخليج ويجب أن تتغير علاقتنا بهم.) ستيف بنون مستشار ترامب السابق يعلق على خساره الجمهوريين انتخابات الكونجرس ويقول في هذا المقطع ١- لو كنا اكتفينا بما حققناه في حرب ال 12 يوما في 2025 وما أشعلنا الحرب مجددا ضد إيران، ما كنا وصلنا لهذا الحال. ٢- لو كنا قفلنا الملف ساعتها، ولو ما كانوش شدّونا تاني.. المخابرات المركزية، والدولة العميقة، ومشروع "إسرائيل أولًا"، وقناة فوكس نيوز، وروبرت مردوخ، و"تل أبيب ليفين"، وبن شابيرو، والشلة دي كلها، ما كناش (خسرنا الكونجرس)، وما كناش وصلنا للي إحنا فيه النهارده." ٣- إحتا قريبين أكتر من اللازم من إمارات الخليج زي. قطر، السعودية والإمارات.. يعني هما تقريبًا وحشين زي مشروع "إسرائيل أولًا" وهنا عايزينا نتورط، وعايزينا نحمي أصول النفط والغاز بتاعتهم. ٤- إحنا بقينا المسيطرين على الطاقة. ودلوقتي معانا فنزويلا، وخليج المكسيك، وجيانا، عندنا في أمريكا موارد نفط وغاز أكتر من كفايتنا. بنسلفانيا هي السعودية الجديدة في الغاز، أو قطر الغاز.. لو طوّرناها. علاقتنا بقطر، وبالكويت، وبالسعودية، وحتى بالإمارات، لازم (تتراجع بالكامل)." السؤال هل الهزيمة من #ايران هي السبب في مراجعة أمريكا لموقفهم من دول الخليج؟ طبعا الكلام ده ما اتقالش رسميا ولكن النخبة الامريكية بتقوله ودي مقدمة لحدوثه. الامريكان شايفين نفسهم اتورطوا بسبب اسرائيل ودول الخليج وكلام ستيف بانون يدل بوضوح على أن دول الخليج هي اللي ضغطت على ترامب لكي يشعل هذه الحرب ويسقط النظام الإيراني. إيه رأيكم

3:32
سامح عسكر avatar
⟳ سامح عسكر retweeted
سامح عسكر@sameh_asker·15h

بعيد عن السياسة قليلا.. ولنعطي فسحة للفكر سؤال تم توجيه مرارا، لماذا تكره المناظرات؟ ركز لأن اللي هتقرأه ضروري في فهم نفسية المتطرف دينيا.. الجواب: زمان كنت بقول إياك تحاور واحد حافظ نصوص ومبيشغلش دماغه، لأن مساحة اتفاقكم معدومة، ولأنه هيقلد ناس إرهابيين بيسمعهم ضدك.. الزيت لا يختلط بالماء، حضرتك عقل وهو فتوى، حضرتك عاوز عدل، وهو عاوز سيطرة.. المتطرف غالبا مش جاهل بالنصوص، ده حافظها أكتر مني ومنك! المتطرف مشكلته إنه بيكرر النص اللي عارفه، لأن حدود إدراكه واقفة عند كلام شيخه اللي مات من 1000 سنة، فعمليا انت بتناقش واحد ميت من 1000 سنة، والزمن عنده متوقف تماما ..ولذلك هو عالق في حلقة مكررة مش قادر يغادرها وبقت مشكلة في جميع منابرهم: نفس الدليل، نفس الاستشهاد، نفس الفكرة، ونفس العدو، ونفس الحل، وكل مرة يعيدها بصوت أعلى ويفتكرها (علم). هو بيكرهك لأنك بتدق على حلقة التكرار اللي عايش فيها، وأي معلومة وفكرة بتقولها بتنسف التكرار دا، وبالتالي بتدمره كليا 100% يعني مش بتدمر جزء عنده، لأ إنت بتدمره كله على بعضه، ولذلك المتطرف بيكون عنيف جدا لأنه حاسس بالخوف.. هاحكي لك حكاية بسيطة: باحثين من معهد (MIT) الأمريكي استخدموا نموذج ذكاء اصطناعي اسمه "GPT-6 Astra" من شركة أوبن إيه آي عشان يعدّلوا نسبة 0.016% بس من أوزان نموذج ذكاء اصطناعي صغير آخر اسمه "Qwen3.5-0.8B" والنتيجة إن أداء النموذج الصغير في اختبار الرياضيات MATH-500 نط من 7.9% لـ 48.1%. هشرحلك فيه نموذج ذكاء اصطناعي اسمه "Qwen3.5-0.8B" كان بيغلط كتير ويدي نتايج عبيطة، هو ما كانش غبي طبعا دا برنامج ذكاء متطور، لكن مشكلته اللي خلته يغلط إنه كان بيكرر نفس الكلام لحد ما ذاكرته تتملي، فما يوصلش لإجابة، ولو وصل بيعيد اللي حافظه من غير ما يبدع، لأن دورة التكرار عنده سيطرت عليه وبشكل واضح أصبح محبوس في ساقية عمال يلف يلف يلف وهو متغمي ومش قادر يشوف.. المهندس ما علّموش حاجة جديدة، هو بس لقى الحلقة اللي واقف عندها وعدّل خيط واحد صغير فيها، والنتيجة ارتفع فورا في الاختبار من 7.9% لـ 48.1%. التجربة دي دليل إن الجهل مش دايما بيكون نقص معلومات، بل أحيانا الأزمة بتكون (دوران في نفس المكان) العقل عنده كل المعطيات، بس بيلف في نفس المسار ويصرف طاقته على التكرار من غير إبداع.. والعلاج هنا مش إنك تحشيه بمعرفة جديدة، لأن الحشو بيزوّد الدوران نفسه ومش هيخرج من الساقية اللي مربوط فيها. العلاج هنا هو ( العقل - النقد - التفكير - الشك) هو دا علاج التطرف الديني والخرافة، ولذلك لما تقعد مع متطرف وتستعمل معاه هذه الأدوات مش هيكون مبسوط، لأنك بتهدم له الحلقة كلها اللي عايش فيها ومتخيل إنها حقيقة، وصدمة الزيف أبشع بكتير من صدمة الحقيقة..لما الإنسان يشعر بأنه مزيف ومعلوماته مزيفة بينهار داخلياـ فبيضطر يعمل أي شئ - حتى الكذب والسب والتكفير والقتل - عشان ميحسش هذا الشعور.. لذلك بكره المناظرات لأن المتطرف هيأذيك لو انت غلبته.. أما اللي عاوز الحقيقة فنصيحتنا له متقرأش كتير على حساب عقلك..وإلا هتفضل تلف في مكانك واللي قرأته مش هتستفيد منه شئ، المطلوب هو (تعديل صغير في نقطة الدوران) يعني المشكلة تحلها بسؤال واحد في المكان الصح علشان يكسر الحلقة، يعني على قد ماتقرأ ..حاول تسأل عن اللي قرأته أو تسأل وتشك فيه وتعرضه للاختبار.. بس ياسيدي #نقد_الموروث #خمسة_علوم

سامح عسكر avatar
سامح عسكر@sameh_asker·6h

استكمالا لنفس الإشارة في 1965 أمريكا بدأت حملة "الرعد المتدحرج" على فيتنام الشمالية، على أساس إن القصف هيقطع الإمداد ويجبر هانوي تتفاوض. الحملة استمرت 3 سنوات، والإمداد في الآخر زاد، لأن موسكو وبكين اتسابقوا على تسليح هانوي. وده نفس المنطق اللي بيتكرر في اليمن: كل ما الحرب تطول، أعداء الرياض بيلاقوا فرصة أرخص إنهم يستنزفوها. بس الأمانة بتقول إن تشبيه ماو وكاسترو محتاج نقف عنده. ماو كسب لأن (الدولة اللي قدامه كانت منهارة)، ولأن الريف الصيني كله كان قاعدة ليه. السؤال الحقيقي هنا: هل قوات صنعاء قدرت تبقى (مشروع لكل اليمن)، ولا لسه قوتها مركّزة في الشمال الزيدي، وتعز ومأرب والجنوب الشافعي برّه حساباتها؟ أما الدولة العثمانية كبرت لأنها استوعبت غيرها، مش لأنها كسبت معارك وبس..وهذا يفرض على قوات صنعاء لعب السياسة والدبلوماسية علشان يكرروا نفس التجارب، لأن اللي بيحصل معاهم هو استنساخ لصعود الحزب الشيوعي الصيني فعلا، وبدايات الدولة العثمانية، وثورتهم في اليمن شبيهة بثورتي فيتنام وكوبا النقطة تانية: بايدن أعلن في فبراير 2021 وقف الدعم الأمريكي للعمليات الهجومية ضد اليمن، وهدنة أبريل 2022 كانت بوساطة الأمم المتحدة، يعني الحرب ما وقفتش بقرار من واشنطن لوحدها، لكن وقفت لما الطرفين تعبوا، ودا هيحصل غالبا في التوقف القادم

سامح عسكر avatar
سامح عسكر@sameh_asker·6h

إشارة مهمة الحرب اليمنية السعودية الآن لن تكون الأخيرة.. هذه سلسلة حروب بدأت في عام 2009 الحرب اليمنية السعودية الأولى كانت قصيرة سنة 2009 الحرب اليمنية السعودية الثانية كانت طويلة من سنة 2015- 2022 الحرب اليمنية السعودية الثالثة بدأت في أكتوبر 2026 ولا زالت نشطة.. كل هذه الحروب الثلاثة هي استكمال للحروب الستة بين جيش علي عبدالله صالح ضد أنصار الله من 2004- 2010 أساس سلسلة الحروب اليمنية السعودية هي حرص المملكة على السيطرة وتأمين دولة اليمن لتكون تابعا وصديقا، والحروب الستة المسماة ( نزاع صعدة) اشتعلت وفقا لهذه الرغبة، لأن صالح لم يكن يرغب في خروج أي تيار ديني أو قبلي أو سياسي على النفوذ السعودي في بلاده.. قوات صنعاء حاليا تضخمت قوتها عدة مرات، أول مرة في الحروب الستة ومع حربها ضد السعودية الأولى، وثاني مرة في عاصفة الحزم، وثالث مرة ضد أمريكا وإسرائيل في باب المندب، ورابع مرة هذه..والملاحظ أن قوتها تتصاعد بشكل حاد وسريع عقب كل حرب قوات صنعاء ليست جماعة صغيرة، ولكن ثقافة ووجدان وتيار سياسي وديني كبير منتشر في شمال اليمن، مركزه الأول صعدة، لكنه تحول لتسونامي في بقية المحافظات.. سلسلة الحروب اليمنية السعودية الآن فيه منها جزء رابع وربما خامس ، سينتهي بإضعاف المملكة أو تفككها قوات صنعاء هي نسخ لتجربة ماوتسي تونج في الصين هي نسخ أيضا لبدايات الدولة العثمانية تشبه لحد كبير بدايات الجيش الكوبي ومقاومة فيدل كاسترو تشبه أيضا الثورة الفيتنامية كل هذه تجارب تاريخية شبيهة بقوات صنعاء، بدأت صغيرة وتضخمت بالحرب والقتال تحت عنوان (التحرير) - حكومة المنفى اليمنية برئاسة رشاد العليمي اتخذت قرارا اليوم يعجل في ذلك ويؤخر الحل، حيث اعتبرت قوات صنعاء (جماعة إرهابية) وهو برغم إنه شئ مضحك، فقوات العليمي مهزومة ومنسحبة كيف تصنف خصمها إرهابيا تحت وقع الإنسحاب؟..أمال كنتوا بتحاربوا صنعاء بناء على إيه؟ قرار العليمي مصدره الرياض، وهدفه إطالة أمد الحرب لاستنزاف قوات صنعاء، ظنا منهم أن السلاح لديهم محدودا. سابقا أطالوا الخرب 7 سنوات في عاصفة الحزم بهذا الظن، وهو خاطئ تماما، فالحروب هي سبب كبير وكافي للتسلح، وخصوم المملكة سيهرولون لتسليح صنعاء أكثر بوصفها القوة الأخطر على النفوذ السعودي بالمنطقة، خلاصة الأمر: حرب #اليمن طويلة، والآن بدأت تخرج تكهنات من الخليج بأن الحرب ستمتد حتى نهاية 2027 وفي رأيي هي أطول من ذلك حتى نهاية فترة ترامب، فالحرب لن تقف في عهد ترامب لأنه عنصر محرض هو وإدارته، والأرجح في حال فوز الديموقراطيين وتوليهم في يناير 2029 سيعملون على إيقاف الحرب أسوة بما فعله بايدن سنة 2022..

سامح عسكر avatar
⟳ سامح عسكر retweeted
سامح عسكر@sameh_asker·Nov 17

عاجل/ اليمن قوات صنعاء تقول على لسان متحدثها العسكري إن قواتها ضربت محطتي الضخ رقم 8 و9 على خط أنابيب "شرق-غرب" في الرياض بخمس مسيّرات. وتقول إن الإصابات كانت مباشرة والحرائق كبيرة وإنها ضربت كمان رادار إنذار مبكر في شرورة. السعودية لحد دلوقتي ما أكدتش أي إصابة حسب رويترز، والتحالف كان أعلن قبل البيان إنه اعترض مسيّرة واحدة في منطقة الرياض، وبعد البيان بساعات رجعت الغارات على صنعاء وهمدان..اللي أعلنت وزارة صحة صنعاء استشهاد 14 مواطن يمني جراء قصف سعودي لمصنع إسفنج في الحديدة.. الحكاية دي اتكررت قبل كده 7 سنوات قصف على المدنيين في اليمن بعاصفة الحزم، واستشهد جراء ذلك 250 ألف يمني من المدنيين ثلثهم أطفال وفقا لتقديرات الأمم المتحدة.. أما قصف خط شرق غرب فاتكرر يوم 14 مايو 2019 لما مسيّرات صنعاء ضربت نفس المحطتين 8 و9، وساعتها الرياض اعترفت ووقفت الضخ في الخط مؤقتا، الفرق إن الخط بقى النهارده في ظل قفل مضيق هرمز بقى شريان حياة والاعتراف نهاية، لأن بعد قفل هرمز يمر منه حوالي 4 مليون برميل يوميا إلى ينبع، وده قرابة 4% من نفط العالم حسب رويترز. السؤال: لو الضربة حصلت ليه السكوت؟ ولو ما حصلتش ليه الإعلان؟ وهل لسه فيه حد مصدق إن هذه الحرب هتخلص في الميدان من غير ما تعدّي على طاولة المفاوضات؟ هل بعد 12 سنة حرب لسه ما وصلش إن الحل سياسي مش عسكري؟

سامح عسكر avatar
⟳ سامح عسكر retweeted
سامح عسكر@sameh_asker·Nov 17

ده "ماركو روبيو" وزير الخارجية الأمريكي الحالي لما كان سيناتور في الكونجرس الأمريكي سنه 2015 كان معارض للاتفاق النووي مع #ايران وينتقد أوباما في المقطع يقول روبيو: إيران عايز تطردنا من الشرق الأوسط وهتشتغل مع جماعات في المنطقة عشان تستهدف جنودنا، والهدف إن وجودنا هناك يبقى غالي ونضطر للرحيل لأن تكلفة البقاء وقتها ستكون أعلى" والأسئلة للسيد روبيو: ١-هل لما أعلنتم الحرب على إيران بقيتم في المنطقة أم رحلتم؟.. هل فقدتم أهم مضيق بحري في العالم؟ وهل تم تدمير قواعدكم في الشرق الأوسط تدميرا كليا أو جزئيا؟ ٢- أليست كوارث الحرب الجارية عليكم، والتي أسقطتكم في الكونجرس هي من تبعات انسحابكم الخاطئ من الاتفاق النووي سنه 2018؟ ٣- هل تظن أو هل يظهر أن إيران سوف تقبل بشروط وبنود في اتفاق نووي جديد معكم لم يكتب سابقا في الاتفاق النووي مع أوباما سنه 2015 ؟ ٤- لماذا تقدم الوجود الأمريكي العسكري في الشرق الأوسط على إنه (الطبيعي) وطرده على إنه (العدوان). ؟! مين اللي جاء من آخر الدنيا وقعد على حدود مين؟ ولو المقاومة بتعلّي التكلفة، مش ده بالظبط اللي عملته كل الشعوب اللي اتحررت من الاحتلال حتى أنتم عندما تحررتم من الاحتلال الانجليزي في القرن ال 18؟ السؤال لحضراتكم هل يستطيع روبيو أو حد من أنصاره الإجابة على تلك الأسئلة؟.. وهل يمتلك قادة أمريكا الآن الشجاعة الأدبية للاعتراف بالخطأ وليس بالهزيمة؟

3:25
سامح عسكر avatar
⟳ سامح عسكر retweeted
سامح عسكر@sameh_asker·Nov 17

المجلس الأعلى للإعلام يقرر وقف قناة الحدث اليوم حتى نهاية الشهر.. شرط توفيق أوضاعها للالتزام بقوانين الإعلام والصحافة، يعني لو ما وفّقتش مش هترجع. يَرجى العلم إن دي القناه بتاع التحرش والاغتصاب.. جابت محامين الحسبة يدعون للتحرش واغتصاب النساء المصريات في الشوارع. وجابوا طفل زمان يدعو للتحرش الجنسي بالنساء بدعوى الملابس وجابوا مذيعة قبل كده احتفلت بمتحرش جنسي عندها في الأستوديو على الهواء..! وآخر جرايمها باعوا الهوا لشيخ سلفي قتل عياله..! كان زمان القنوات السلفية بترفع شعار (شاشة تأخذك إلى الجنة) دلوقتي المفروض قناة الحدث اليوم شعارها (شاشة تأخذك لأبو زعبل)..!

Post attachment
سامح عسكر avatar
⟳ سامح عسكر retweeted
سامح عسكر@sameh_asker·Nov 17

تفسيري الوحيد للي حصل هو إن القائمين على القناة ذوي فكر سلفي محدود، فحتى لو باعوا الهواء بيبيعوه لواحد عنده فكر سلفي متحجر، أو ميول عدوانية ضد النساء والآخر المختلف في الرأي، وضد حقوق الإنسان وضد التنوير بشكل عام. برغم إن القناة من أكثر القنوات المصرية بيعا للهواء وفقا لاتهامات المجلس الاعلى للاعلام القناة برغم أنها متورطة في بيع الهواء لكنهم ما بيبيعوش هواء مطلقا لأي حد بيفكر أو مثقف أو يشغل دماغه أو عنده نزعة شك ونقد او ميول تنويرية بشكل عام، أو يتكلموا حتى في حقوق الانسان يعني من الآخر هي قناة سلفية متحجرة بهيئة مدنية، وده اللي بيخليها تخالف الدستور والقوانين المصرية، ده بسبب إن القائمين عليها عايشين في عصر ثاني وجو ثاني مختلف تماما عن اللي احنا عايشينه..

سامح عسكر avatar
⟳ سامح عسكر retweeted
سامح عسكر@sameh_asker·Nov 17

بعد اعتقال البحرين لأكثر من 50 عالم دين ومرجع شيعي إثنى عشري بتهمة الإرهاب.. صباح اليوم الحرس يعلن قصف رادار أمريكي في قاعدة الشيخ عيسى بالبحرين، ردا على اقتراب المسيرات الأمريكية من الأجواء الإيرانية.. التصعيد اللي حصل من طرف البحرين ردت عليه الخارجية الإيرانية بالاعتراض والتنديد .. ويبدو إنه عمل طائفي موجه ضد الأغلبية البحرينية التي تنتمي لنفس المذهب.. هل تعتقدون إن التصعيد دا هيؤدي لتكثيف القصف الإيراني لمواقع بحرينية؟ الرأي العام الإيراني من الداخل يصور ما حدث في البحرين على أنه تهديد للمسلمين الشيعة والمجتمع الإيراني برغم أن مصدره المنامة.. ولكن تأثيره واصل خارج الجزيرة..