
திமுகவில் அதிகாரப்பூர்வமாக இணைந்து கழகப்பணியாற்றத் தொடங்கி ஏறக்குறைய 7 ஆண்டுகள் ஆகின்றன. 2022ல் தொடங்கி தஞ்சை மாவட்ட ஐடி விங் துணை அமைப்பாளராகப் பணியாற்றிக் கொண்டிருக்கிறேன். Teenage-இல் தொடங்கிய என் கழகப்பணி ஏதோ தற்செயலாக அமைந்தது அல்ல. 2006-ஆம் ஆண்டு எனது பள்ளிப் பருவத்தில் முத்தமிழறிஞர் தலைவர் கலைஞர் அவர்களின் தேர்தல் பரப்புரைப் பேச்சுகளைக் கேட்டபோதுதான், திராவிட இயக்கத்தின் மீது எனக்கொரு ஈர்ப்பு ஏற்பட்டது. தந்தை பெரியாரைப் பற்றியும் பேரறிஞர் அண்ணாவைப் பற்றியும் திராவிடத்தைப் பற்றியும் முழுமையாகத் தெரிந்துகொள்ள வேண்டும் என்கிற தேடல் எனக்குள் உருவானது. ஆனால், திராவிடம் என்பது எனது ரத்தத்திலேயே ஊறியுள்ளது என்பதையும், என் தேடலுக்கான விடைகள் உங்களிடமும் இருக்கிறது என்பதையும் உங்களின் தொடர்ச்சியான கழகப் பணிகளைப் பார்த்த பிறகே நான் முழுமையாக உணர்ந்துகொண்டேன். எனினும், அந்த காலகட்டத்தில் நீங்கள் அரசியல் பணிகளில் எப்போதும் தீவிரமாக இருந்ததால், என்னால் உங்களுடன் அதிக நேரம் செலவிட முடியவில்லை. இருப்பினும், உங்களின் அரசியல் பணிகளையும், திராவிட இயக்கத்திற்காக நீங்கள் ஆற்றி வரும் பங்களிப்பு, உங்கள் கொள்கைப் பிடிப்புகளையும் பார்த்துப் பார்த்துதான் எனக்குள்ளும் அரசியல் ஆர்வம் துளிர்விட்டது. ஒரு கடைக்கோடி கிராமத்தில் பிறந்து, திராவிட முன்னேற்றக் கழகத்தில் சாதாரண அரசியல் தொண்டனாகத் பயணத்தைத் தொடங்கி, கடின உழைப்பு, விசுவாசம் மற்றும் அறிவாற்றலால், நாட்டின் உயரிய அதிகார மையமான நாடாளுமன்றத்தில் ஒலித்த குரலாக நீங்கள் உயர்ந்தது சாதாரணமானதல்ல. நாடாளுமன்றத்தில் இடஒதுக்கீடு, பட்ஜெட், அனைவரையும் உள்ளடக்கிய வளர்ச்சி, நீட் தேர்வு, தேசப்பற்று எனப் பல்வேறு தளங்களில் நீங்கள் முன்வைத்த விவாதங்கள் மிகச்சிறப்பானவை. நாடாளுமன்ற உறுப்பினராக முதன்முறையாகச் சென்றாலும், அவையை நடத்தும் தலைவர் இருக்கையில் (Chairperson) நீங்கள் அமர்ந்து வழிநடத்திய தருணம் எங்களைப் போன்றவர்களுக்குப் பெருமையின் உச்சம். 1993-ல் நகர மாணவரணி துணை அமைப்பாளர் 1996-ல் நகர அமைப்பாளர் 2001-ல் கிளைச் செயலாளர் 2008- ல் பொதுக்குழு உறுப்பினர் 2014-ல் மாநில சிறுபான்மையினர் அணி துணைச்செயலாளர் 2018 ல்- மாநில தகவல் தொழில்நுட்ப அணி துணைச்செயலாளர் எனப் பல பொறுப்புகளைக் கடந்து 2022 முதல் இன்று வரை அயலக அணிச் செயலாளராகவும், கழகத்தின் பல முக்கிய முடிவுகள் எடுக்க அமைக்கப்பெற்ற குழுக்களிலும் தொடர்ந்து இடம்பெறும் வகையில் உயர்ந்துள்ளது எங்களைப் போன்ற இளம் அரசியல் ஆர்வலர்களுக்கு மாபெரும் உந்துசக்தியாகும். அரசியலில் நீங்கள் கடந்து வந்த பாதைகளையும், கொள்கை அர்ப்பணிப்பையும் காணும்போது உங்களைப் போன்றே உழைக் வேண்டும், உயர வேண்டும் என்ற ஆர்வத்தை உருவாக்குகிறது. எங்களைப் போன்றவர்களுக்கு 'வினையூக்கி' நீங்கள். நம் கழகத் தலைவர் @mkstalin மற்றும் இளந்தலைவர் @Udhaystalin ஆகியோரின் மிகுந்த நம்பிக்கைக்குரியவராகச் செயல்படும் உங்களின் இந்த அரசியல் பயணம், என்னைப் போன்ற பலருக்கும் மிகச்சிறந்த வழிகாட்டுதலாக அமைந்துள்ளது. இன்று லட்சக்கணக்கான இளைஞர்களுக்கு ஓர் உந்துசக்தியாக உருவெடுத்துள்ள நீங்கள், மென்மேலும் பல உயரங்களை எட்ட வேண்டும். என்றும் உங்கள் வழியில் பயணிப்பதில் பெருமிதம் கொள்கிறேன். பண்புடையார்ப் பட்டுண்டு உலகம் அதுஇன்றேல் மண்புக்கு மாய்வது மன் பிறந்தநாள் வாழ்த்துகள் மாமா! @pudugaiabdulla ♥️


































